فیض کی دیوانی

_{ایک روز میں منظور صاحب کے گھر گیا- اُن سے  ملنے کے بعد مجھے   " فیض"  ملا -  وہ  کوئی روحانی پیشوا  یا  کوئی پیر صاحب نہیں ہیں بلکہ ان کے  بیٹے کا نام   " فیض" ہے  -}

 _{فیض  جب چھوٹا تھا تو باہر کھیلنے گیا اور شام تک جب گھر واپس نہ آیا تو گھر والوں کو بہت فکر ہوئی اور انہوں نے   " فیض"   کو ڈھونڈنے کی بہت  کوشش  کی  لیکن انھیں " فیض" نہ ملا}  

_{منظور صاحب  نے  اپنے  ایک  دوست سے  پوچھا  ---  یار میں ہر جگہ ہو آیا ہوں لیکن مجھے  " فیض" نہیں ملا} 

_{دوست نے کہا ---  یہاں سے تھوڑی  ہی   دور  فُلاں جگہ  جاؤ   ایک بزرگ  کا  مزار ہے  اور وہاں کے سجادہ نشین  اللہ کے بہت نیک بندے ہیں - مجھے یقین ہے تمھیں وہاں  " فیض" ملے گا -منظور صاحب وہاں گئے   اور واقعی وہاں جاتے ہی  انھیں  " فیض" مل گیا   جو وہاں بیٹھا --- لنگر --- کھا رہا تھا}

_{تین سہیلیاں کالج  میں کھڑی  آپس میں بات کر رہی تھیں} 

_{پہلی سہیلی نے کہا:  شاید فیض صاحب کو پڑھنا بہت مشکل لگتا تھا  اسی لئے وہ پڑھنے کی بجائے ساری عمر لکھتے رہے} 

_{دوسری نے کہا:      مجھے بھی فیض پڑھنا بہت مشکل لگتا ہے -  کاش فیض صاحب نے لکھ کر خود بھی پڑھا ہوتا  تو  پھر  انھیں اندازہ  ہوتا  کہ}

                   _{انھیں  پڑھنا  کتنا  مشکل ہے} 

_{لیکن تیسری سہیلی جو فیض صاحب کی مداح تھی -کہنے  لگی -----  مجھے تو    " فیض"   بہت پسند ہے}

_{فیض جو قریب سے گزر رہا تھا -  اس نے سن لیا  ---- فوراً   بولا  ----  بہت شکریہ محترمہ ---  نوازش ہے آپ کی} 

او فیضو بھائی ----- کسی خوش فہمی میں نہ رہنا  ----- ہم تمھاری نہیں بلکہ عظیم شاعر  فیض احمد فیض کی بات کر رہے ہیں

_{یہ سنتے ہی وہ  شرمندہ  ہو کر یہ جا اور وہ جا  ----   اور وہ سہیلیاں ہنسے بغیر نہ رہ سکیں} 

 امتحان میں  فیل ہو جانے  پر منظور صاحب نے اپنے بیٹے فیض کو ڈانٹتے ہوئے کہا

 میں نے تمھیں کتنا  کہا    بلکہ ہر روز کہتا تھا کہ ---  فیض  پڑھو --- فیض  پڑھو ---  لیکن تم نے میری ایک نہ مانی  اب ہو گئے ناں فیل 

فیض نے کہا ---- لیکن ابا جان فیض کی شاعری ہمارے کورس میں شامل ہی نہیں  ---  تو پھر  ----فیض پڑھنے کا فائدہ  

 اس بات  پر منظور صاحب  مزید  غصے میں آ گئے اور پاس رکھی ہوئی سب سے وزنی کتاب ٖفیض کو دے 

ماری ---- پھر --- پھر کیا ہوا ----- پھر  امتحانوں کے بعد جو ہوتا ہے

****************