Meri Shadi Te

شادی  نے کیتا    کباڑا    او   وی میری شادی تے

ہویا   جیباں دا    اجاڑا  او  وی میری شادی تے

پیسے لگیا ساں میں لُٹّن  لتھ کے لو جی  گھوڑی توں

ابے  مینوں  چنگا  جھاڑا   او  وی میری شادی   تے

نچنا گانا  ڈھول ڈھمکا   مہندی   اُتّے    رات  نوں

بنیا  بے حیای  دا   کھاڑا   او  وی میری شادی تے

چھڈ  سیاہی  لا   دے  انگوٹھا  جگت  کیتی  مُلاّں

رنگ میرا  لگیا  گاڑھا   او   وی  میری  شادی تے

کُھلّی  روٹی پَے گے   سارے ویکھو  ٹُٹ کے روٹی  نوں

رے  ساں پُکّھے لاڑی  لاڑا   او  وی میری شادی   تے

پیسے  اَینے  منگ لے   جُتّی چُھپا   کے  سالیاں

پڑھنے  پایا   لو   پہاڑا   او  وی  میری  شادی  تے

بَھنڈاں نُوں   ویلاں ناں  لَبیاں ، غصہ آیا اوناں نُوں

گلّاں  لا کے  دب لتاڑا     او   وی میری شادی   تے

چاچے  مامے تائے لو جی سارے ویکھو رُس گے نیں

سب نے کڈیا دل دا  ساڑا  او  وی میری شادی تے

لبّی  ناں    خالو نوں جعفرؔ   رج کے لو جی  بوٹیاں

پایا  اُس  نواں  پواڑا   او   وی میری شادی تے

*******************************************************************

Shadi ne kitaa kabara o v meri shadi te
Hoya jeban  da ujarra o v meri shadi te

Paisay lagya saan mein lattan lth ke lo jee ghoree ton
Abay mennu changa jhara o v meri shadi te

Nachna gana dhol dhmakka  mehndi utay raat nu
Bania be hayai da akhara o v meri shadi te

Chhd siyahi laa day anghutha jugat kitti mulan
Rang mera lagya  gaarha o v meri shadi te

Khuli roti pay ge saaray vekho tut ke roti nu
Ray saan pukhay lari  lara o v meri shadi te

Paisay aٓne mangg le jutti chupaa ke salian
Parhnay paaya lo pharha o v meri shadi te

Bhanda nu wellan naan labyan, gussa aaya ona  nu
Gallan laa ke dab ltarha o v meri shadi te

Chache mamay  taye lo jee saaray vekho ras ge nein
Sab ne kadya dil da sara o v meri shadi te

Labi naan khalu nu Jafarؔ rajj ke lo jee bootiyan
Paaya uss nawan puwara o v meri shadi te