Wekho Sarka Te

مُوبَیلاں   تے  نے بیزی   یار سڑ کاں تے

تے  اکثر   دین    گڈی  مار سڑ کاں  تے

لو   گندے بھانڈے  گھٹا  مٹی  ریڑھی تے

تے  کھانا    فر وی  چسکے دار سڑ کاں تے

جی   لیڈر آپی وچ اے سی دے بیٹھے نیں

تے پبلک کھائے رَج  کے   مار سڑ کاں تے

تسلی   نال  چوری  کیتی  چوراں نیں

تے  ایویں پھر دا  چوکیدار سڑ کاں تے

کرا لو سر جی میک اپ مفت ، نسخہ  اے

تے   پِھر لو تھوڑی   چِر سرکار سڑ کاں تے

او  لُٹ لے گا تے میں  ہن بچ نئیں سکدا

ہے   ناکہ   لایا   تھانے  دار سڑ کاں تے

گیا میں جاب لب بن  منگ کے کپڑے

گئی کر گندے کپڑے کار سڑ کاں تے

پئی   بارش   تے پانی  ہویا  ہر پاسے

مہینہ ٹنگاں گے  شلوار سڑ کاں تے

ہوئی دو مکھیاں دی جعفر   جدوں  ٹکر

تے ون ون ٹو ٹو سی تیار  سڑ کاں تے

---------------------------------------------

Mobailan te ne bezi yaar sarr kan te
Te aksar deen guddi maar sarr kan te

Lo ganday bhanday ghata matti rirhhi te
Te khana fir v chaskay daar sarr kan te

Jee leader aapi vich ae si day baithy nein
Te public khaye rajj ke maar sarr kan te

Tasalii naal chori kitti choran nein
Te aiwai phir da chokidaar sarr kan te

Kara lo sir jee make up muft, nuskha ae
Te pِhr lo thori chur sarkar sarr kan te

O Lut le ga te mein hun bach nyin sakda
Hai naka laya thaanay daar sarr kan te

Gaya mein job lab ban mangg ke kapray
Gayi kar ganday kapray car sarr kan te

Pye barish te pani hoya har paasay
Maheena tangan ge shlwar sarr kan te

Hui do makhiyan di Jaffer jaddon takkar
Te one one two two si tayyar sarr kan te